خطير: العلايمي يفضح ممارسات الجامعة

نشر الاستاذ طارق العلايمي تدوينة كشف من خلالها عن تجاوزات خطيرة صلب جامعة المبارزة حيث بيّن حجم التجاوزات والخروقات القانونية التي حدثت في الفترة الاخيرة من أجل تمكين المكتب المنحل من كسب شرعية غير قانونية لمواصلة المهمة وفي ما يلي نص تدوينة الأستاذ العلايمي:
فقط
فاصل قانوني رياضي :
جامعة المبارزة بالسيف إلى أين ؟؟؟
تعمل عن جلسة عامة انتخابية استثنائية يقع أبطالها بموجب قرار صادر عن المحكمة الرياضية عدد 325/2019 مؤرخ في 06 ديسمبر 2020 مع تعيين تمليف رئيس مجلس التحكيم الرياضي بتكوين هيئة مستقلة للإشراف على الانتخابات الاستثنائية .
من بعد مجلس التحكيم الرياضي يصدر قرار جديد يقول فيه :
لا موش لازم نعملوا هكا !!! و يكلف المكتب المتخلي بالإشراف على الانتخابات الإستثنائية الى هو طرف وتشرح فيها !!!
لكن المكتب المتخلي قال لا ثم لا ثم لا و قرر وحده مواصلة مهامه منذ تاريخ 6 ديسمبر لحد تاريخ اليوم و مازال باش يواصل !!!
من بعد جاتش الكورونا وخرتشي الالعاب الأولمبية توا لازمنا نضمنوا بلاصة في الطيارة آش نعملوا يا سيدي نعملو : جلسة عامة خارقة للعادة هكا !!! باش نرجو بها الأومور الكل!!!
باهي شنوة انجموش نعملوا أكثر من هكا باش نثبت للجميع اننا نحكمو وحدنا… ساخنة العملية نجي في الجلسة هاذي متاع نهارة الاحد 30 أوت 2020 نقبل إلى نحب من الجمعيات و نرفض الاخرين إلى موش تابعيني بالرغم إنهم عندهم قرار بات صادر عن المحكمة الرياضية يقضي بقبول انخراطهم !!!
يعني عندهم الحق باش يحظر و يناقش و يعترض و يصوت اما انا ظهر لي ما نحظرهمش!!!
من النهاردة مافيش حكومة انا الحكومة !!!
هكا هيا الأومور ايه هكا و أكثر من هكا يا سيدي المهم مقعد في الأولمبياد القادمة…
في هذا الكل اللجنة الوطنية الأولمبية موش موجود…
و الوزارة السابقة موش موجودة…
و الوزارة القادمة يظهرلي في نفس الطريق ان شاء الله يطلعوني غالط خاتر الوزير المقترح كانت عندو صولات و جولات وقت ماكان في جامعة الملاكمة للحفاظ استبسالا على كرسي الرئاسة ( توا في وقت لاحق نحكيلك تفصيلا على ملف جامعة الملاكمة ) …
نهاية سامحوني كان قصيت على تبحيرتكم بمثل هذا العبث التطبيقي القانوني…
اما راهو لنا عودة…
قريبا…